Loading...
पत्रकार घमराज लुइँटेलले भारतीय राजदूत रञ्जित रेको नेपालमा देखिएको पछिल्लो गतिविधिप्रति आक्रोश पोख्दै ट्विटरमार्फत हेलो सरकारमा उजुरी गरेका हुन् । हेलो सरकारले पत्रकार लुइँटेलको उजुरीलाई दर्ता गरी कारबाही प्रक्रिया अगाडि बढाएको जानकारी दिएको छ ।
’हेलो सरकार, कुटनीतिक मर्यादाविपरीत नेपालको आन्तरिक मामिलामा हस्तक्षेप गरी भाँडेकोले भारतीय राजदूत रेलाई देश निकाला गरियोस्’ भन्ने पत्रकार लुइँटेलको ट्विलाई हेलो सरकारले रि-ट्विट गर्दै परराष्ट्र मन्त्रालय मार्फत कारबाही अगाडि बढाईएको जानकारी दिएको हो ।
आइतबारको उनको ट्विटलाई हेलो सरकार डेस्कले कारबाही प्रक्रिया अघि बढाउँदै परराष्ट्र मन्त्रालयलाई चिठी लेखेको हो । ४४१०४ चलानी नम्बर भएको पत्र परराष्ट्रलाई पठाइएको हेलो सरकारले उल्लेख गरेको छ।
पत्रकार लुइँटेलसँग उजुरीबारे डिसीनेपाल डटकमले बुझ्दा सामान्य नागरिकको हैसियतले भारतीय हस्तक्षेप विरुद्ध आफूले आवाज उठाएको बताए । उनले भने - ’कुनै पनि राजदूतको कुटनीतिक मर्यादा र दायरा हुन्छ । जनसंख्या र भूगोलको आधारमा भारत ठूलो देश हो भन्दैमा नेपाललाई सानो सोचेर राजदूत रेले नेपालको राजनीति चलाउन खोजेर मर्यादा उल्लंघन गरेका छन् ।’
दुई देशको सम्बन्ध दोहोरो हुने भन्दै नेपालको राजदूत भारतमा आफ्नो मर्यादामा बस्ने तर भारतको राजदूतले नेपालको राष्ट्रियता माथि वितण्डता मच्चाउने कार्य असह्य भएको डिसीनेपाललाई पत्रकार लुइँटेलले बताएका छन् ।
भारतको हस्तक्षेपविरुद्ध आफ्नो गुनासो हेलो सरकारले अगाडि बढाएको र परराष्ट्र मन्त्रालयको यो कार्यलाई आफूले उत्सुकताको रुपमा हेरेको समेत उनले बताए ।
- See more at: http://dcnepal.com/news/news.php?nid=250298#sthash.ERhckoL6.dpuf
Loading...
Post a Comment