Loading...
बेलायतमा गरिएको अध्ययनका अनुसार बढ्दो उमेरसँगै मानिसहरु संख्यात्मकभन्दा गुणात्मक सेक्समा जोड दिन थाल्छन् । उनीहरुमा यौनजन्य ज्ञान वृद्धि हुँदै जाने भएकाले पनि सेक्स मिठो हुने अध्ययनको ठहर छ ।
‘६० वर्ष कटेका बुढाबुढीहरुले
संख्यात्मकरुपमा कम यौनसम्वन्ध राख्छन् । तर त्यसको गुणात्मकता धेरै हुन्छ ।
उनीहरुले बेडरुममा आफ्नो सम्पुर्ण ज्ञान तथा अनुभव खन्याउँछन् र
पार्टनरलाई खुशी पार्छन्,’ अध्ययन प्रतिवेदनमा भनिएको छ । उमेरसँग प्राप्त
हुने ज्ञान र अनुभवले अरु काममा हामी जसरी निखारिदै जान्छौं, सेक्सको हकमा
पनि त्यही लागू हुने तर्क प्रतिवेदनमा गरिएको छ ।
बेलायतको युनिभर्सिटी अफ मिन्नेसोटाका
अनुसन्धानकर्ताहरुले २० देखि ९३ वर्षका ६ हजार व्यक्तिहरुको तथ्यांक
विश्लेषण गरेका थिए । सहभागीहरुलाई इमेलमार्फत प्रश्नावली पठाइएको थियो ।
सोधिएका प्रश्नहरुमध्ये एउटा प्रश्न थियो, ‘हालका दिनहरुमा तपाईंको सेक्स
लाइफलाई कसरी मुल्यांकन गर्नुहुन्छ ?’ बुढेसकाल लागेका उत्तरदाताहरुले
सेक्स गर्ने दरमा कमि आए पनि मजा बेसी लिने गरेको जवाफ पठाएका थिए ।
प्रमुख अनुसन्धानकर्ता मिरी फोब्र्सको
भनाईमा बढ्दो उमेरसँगै सेक्सको दर कम महत्वपूर्ण हुँदै जान्छ र सेक्स
गर्दाका वखतको सोच र प्रयास बढि महत्वपूर्ण हुँदै जान्छ । उनले लेखेकी छन्,
‘फेरिएका प्राथमिकताले बुढेसकालको यौनजीवनलाई सुखद बनाउँछ ।’
‘जब हामी जवान र पाका व्यक्तिहरुको
सामाजिक-जनसांख्यिक चरित्र तथा मानसिक र शारीरिक स्वास्थ्यका साथमा
उनीहरुको यौनजीवन तुलना गर्छौंं, के पाउँछौं भने पाका व्यक्तिहरुले यौनजीवन
गुणात्मकरुपमा राम्रो हुन्छ,’ उनी लेख्छिन् ।
अध्ययनका अनुसार कुनै ४० वषिर्य र ५०
वषिर्य व्यक्तिले सेक्स गर्दा उत्तिकै अनुपातमा सोच तथा प्रयत्न लगानी
गरेको छ र उनीहरु दुवैको सेक्स पार्टनर पनि उत्तिकै संख्यामा छन् भने ५०
वर्षको व्यक्तिको यौनजीवन बढि सुखद हुन्छ ।
फोब्र्स लेख्छिन्, ‘जुनसुकै उमेरमा पनि
मानसिक र शारीरिक स्वस्थताका लागि सन्तुष्ट यौनजीवनको महत्वपूर्ण हात हुन्छ
। बुढाबुढीको हकमा यौनसम्वन्धमा सक्रियताले उनीहरुको लामो र स्वस्थ जीवन
सुनिश्चित गर्छ ।’ एजेन्सीको सहयोगमा
Loading...
Post a Comment