भोलिदेखि वर्षा हुन सक्ने, पानी नपर्दा यो वर्ष जाडो कम

काठमाडौं, १६ पुस । मौसमविद्ले यो वर्ष गएका वर्षहरुको तुलनामा चिसो कम भएको बताएका छन् । पोहोरपरार हिउँदे पानी पर्दा न्यूनतम तापक्रम ५ डिग्री सेल्सियस भन्दा कम हुने गरेकोमा यो बर्ष तापक्रम ५ डिग्रीभन्दा कम नभएको मौसमविद् वरुण पौडलले जानकारी दिए ।
पोहोर पुस १६ गतेको न्यूनतक तापक्रम ३ दशमलव ६ डिग्री सेल्सियस थियो । तर त्यही दिन आज बिहान काठमाडौं उपत्यकाको तापक्रम ५ दशमलव २ डिग्री सेल्सियस मापन गरिएको छ । हिउँदे पानी नपर्दा यसबर्ष चिसो कम भएको मौसमविद पौडेलले बताए ।
हिउँदे वर्षा भए, हुस्सु लाग्नुका साथै देशभरी कै न्यूनतम तापक्रम घटेर चिसो बढ्ने मौसमविद् पौडेलको भनाई छ । यसैबिच आइतबार र सोमबार देशभरीकै मौसम बदली भइ केहि ठाउँमा फाट्टफुट्ट पानी पर्ने अनुमान गरिएको उनले बताए ।